Unha visita a unha illa de area branca e fina, rodeada de augas cristalinas e que esconde parte da historia dos primeiros habitantes da Ría de Arousa.
Poderás contemplar restos arqueolóxicos con 6000 anos, e que se está empezando a descubrir debaixo destas areas do Illote de Areoso.
Esta visita é guiada por un arqueólogo, o cal participou na intervención mais importante neste paraiso. Neste illote non hai embarcadoiro, polo que para desembarcar hai que remangarse os pantalóns e mollarse os pes. Polo que se recomenda levar toalla. Ao finalizar pódese dar un pequeno paseo ou un pequeno baño.
- Actividade apta para tódolos públicos, a excepción de persoas con movilidade reducida.
- Grupos de rapaces ou adolescentes sempre acompañados de titor ou monitor.
- Saídas dende o porto de O Xufre ou porto de O Campo na Illa de Arousa (posibilidade de saír doutros portos, fora de tempada. Posibilidade de facer a ruta en exclusiva)
- Recoméndase levar roupa de abrigo e protección solar.
- A viaxe inclúe o transporte nunha embarcación de recreo, seguro e guía.
- Realízase todo o ano*, mínimo 5 persoas e máximo 24 (nos meses de verán posibilidade de entradas individuais)
- A duración da actividade é de 2h
- *Saídas suxeitas as condicións climatolóxicas.